Acts 9

1A SAULUS dadaurata a linaranaraki tounpadak en Kaun akan, ap pan kame ir ala, o kola ren samero lapalap o, 2Poeki re a kisin likau on sinakoke en Damaskus akan, pwe ma a pan diar meamen, me ianala lamalam, ol de li i en sali irail edi o kalualan Ierusalem. 3A ni a sapasapal kokola koren ion Damaskus, marain eu kodido san nanlan, sereda i. 4Ni a pupedi nani pwel, ap ronada nil eu, me masani on i: Saul, Saul, da me koe kame kin ia? 5A ap inda: Is komui Main? A kotin masani: Nai Iesus, me koe kin kame. 6Paurida, kolan nan kanim en, nan a pan loki on uk, me koe en wiada. 7A ol oko, me ian i kokola, sapaimokid, pwe re ronadar nil o, ap sota amen me re kilanadar. 8Saulus paurida san nan pwel, mas a papad eta, ap sota kilan meamen. A re kolokol pa a, kalualan I Damaskus. 9I ari sota kilan wasa pon sili pon. A so kan de nim meakot. 10A tounpadak amen mi Damaskus, ad a Ananias me Kaun o kotin masani on ni kasansal eu: Ananias! I ari potoan on: let nai Main! 11Kaun o ap kotin masani on i: Paurida kowei on nani al o, me ad a Inen, ap idok nan im en Iudas amen, me mar a Saulus enTarsus. Pwe kilan, a kapakap 12A kilaner ol amen ni kasansal eu, me ad a Ananias, me ko don i o pwil poa pa a kan, pwe a en kilanki wasa. 13A Ananias potoan on: Main, i ronadar ren aramas toto duen ol men et, duen a kin kaokaoe sapwilim ar saraui kan, me mi Ierusalem. 14O a aleer san ren samero lapalap akan manaman, en saliedi karos, me kin likwir on mar omui. 15A Kaun o kotin masani on i: U kowei, pwe iei ol o, me I piladar, en wala mar ai ren men liki o nanmarki kan o men Israel. 16Pwe I pan kasansale on i duen won a pan kamekameki mar ai. 17Ananias ari kola, pedelon on nan im o, pwil poa pa a pokon, indada: Ri (ai) Saul, Kaun o me kotin porone ia do; iei Iesus, me kotin pwara don komui nani al o ni omui kokodo, pwe komui en kilanada wasa o dire kila Nen saraui. 18A madan likamata un en mam akai, me pupedi san ni mas a, i ari kilanadar wasa o udar paptaiselar. 19I lao manaer, ap kelailadar, ap mimieta ren tounpadak en Damaskus akan ran akai. 20A madan padapadak nan sinakoke kan duen Iesus, me i sapwilim en Kot. 21A karos, me roneron i, puriamui kila indada: Kaidin i, me kin kaokaoe ir, me kin likwir on mar wet nan Ierusalem o kodo wasa et, pwen sali ir edi, kalua ren samero lapalap akan? 22A Saulus me manaman kokoda o kapinada Sus oko, me kauson Damaskus ni a kawewedar, me i me Kristus. 23Kadekadeo murin ran toto Sus oko kapun pena en kamela i. 24A Saulus roner, me re masamasan i; irail pil masamasan wanim akan ni ran o ni pon, pwen kamela i. 25A tounpadak kan ale i ni pon apiekidi kopou eu san pon kel o. 26A Saulus lao pwara don Ierusalem a soson waroki on tounpadak kan, irail karos masak i, pwe irail sota kamelele, me i tounpadak amen. 27A Parnapas ale i o kare don i ren wanporon akan, o katiti on irail, duen a kilanadar Kaun o nani al o, o me a kotin masani on i. o duen a so masak padapadaki ni mar en Iesus nan Damaskus. 28I ari ian irail er kotin pedepedoi san o pedepedelon on nan lerusalem o padaki aima ni mar en Kaun o. 29I o men Krik kai masan o akamai pena, a re son kamela i. 30Saulan kan lao asaer, ap ian i kolan Sasarea, ap kadaralan i Taris. 31A momodisou kan ap popol o pwaidar nan Iudaa, o Kalilaa, a Samaria, o re weweid ni masak en Kaun o, o toto kilar popol en Nen saraui. 32A Petrus lao kakan sili nan sap akan, a pil kotila ren me saraui kan, me kaukauson Lida. 33A diaradar aramas amen wasa o, me ad a Aneas, me wonon par walu, pwe me kokon danidan. 34Petrus ari masani on i: Aneas, Iesus Kristus kakel uk ada. Paurida, pein lim pena ki om! I ari paurida madan. 35A karos me kaukauson Lida o Saron, kilanada i, re ap wuki on Kaun o. 36A tounpadak li amen mi Ioppe, me ad a Tapea (iet wewe: Torkas), i me dir en wiawia mau kan o kisakis wei. 37A kadekadeo ni ran oko a Somaudar o melar. Irail lao duper i, ap nekidala nan pera poa. 38A Lida me koren ion lope. Tounpadak kan lao roner, me Petrus kotikot wasa o, rap kadarala ol riamen re a, poekipoeki: Kom der peikasal, koti don kit! 39Petrus ari kotida ian ir ala. I lao pwarado, re ap ukadala i pera poa, o li odi karos u impa, sanesan o kapwareda sakit o likau kan, me Torkas wiadar ni a mimi re ’rail. 40A Petrus kiiei san ir karos, ap kelepuki kapakap, ap saupei on kalep o masani: Tapea. paurida! I ari pad pasan, kilanada Petrus, ap modadar. 41I ari koledi pa a, kauada i. A lao eker pena me saraui o li odi kan, ap kasale on irail i a maureda. 42Ari a loki sili nan lope, o me toto posonla Kaun o. 43I ari kotikoteta lope ran toto ren saun me wiada kil en man amen, me ad a Simon.